Centar za kardiologiju Klinike za bolesti srca (KBS) Kliničkog centra Crne Gore (KCCG) danas je zdravstveno-preventivnim aktivostima obilježio 29. septembar – Svjetski dan srca. Podsjećamo da je Svjetski dan srca ustanovljen 2000. godine.
Ove godine Svjetski dan srca obilježava se u sjenci pandemije COVID-19 koji predstavlja dodatnu prijetnju za oboljele od kardiovaskularnih bolesti. Stoga kardiolozi ističu da su pluća i srce povezani.
Obilježivanje ovog datuma važno je da bi se podigao nivo svijesti građana o značaju prevencije u borbi protiv kardiovaskularnih bolesti i zdravih stilova života.
Ljekari i medicinske sestre Centra za kardiologiju KBS danas su odgovarali na pitanja o kardiovaskularnim bolestima, dijelili savjete, promotivni materijal za očuvanje zdravlje i mjerili krvni pritisak.
